اعذروني...
غبت طويلا عن المدونة، كنت في وسط حدثين صاخبين جدا، الأول هو تخرجي الذي أقيمت له حفلة كبيرة في الكلية صباحا ثم حفلة أصغر في المساء. والثاني هو حفل استلامي لجائزة الهيئة العامة لقصور الثقافة للمركز الثالث في القصة عن مجموعة قصصي.
المشكلة في كل هذا أنني أشعر أنه لا سبب يدعو للفرحة...
أشعر أنني لم أكن سعيدا...
أنني كنت أبذل محاولات للفرحة...
كنت أحاول "الاستفراح".
عقلي كان مشغولا بمئات الأسئلة...
ماذا أفعل الآن؟ أين سيأتي تكليفي؟ ترى هل سأغادر مدينتي الصغيرة إلى بلدة ريفية أقضي فيها سنين طوال على هامش الحياة؟ هل يستحق فعلا تقدير مثل تقديري أن أصعد إلى منصة التكريم لأتسلم جائزة أرسم بعدها ابتسامة سخيفة ليتسنى لأخي التقاط صورة أكثر سخفا؟ ثم... هل أستحق أنا هذا التقدير المتواضع مع أنني شهدت أياما لم أذق فيها طعم النوم وأنا أحاول حفظ صفحات وصفحات؟ هل أنا غبي؟
و أيضا...
وماذا بعد أن كتبت عشرين قصة؟
هل سأكتب المزيد؟ هل سأصبح "كاتبا" حقيقيا م أنني سأظل أعيش وهم الكتابة وأمارس فعل الاستعباط (على رأي عاشور)؟ هل سيكون لي أثناء عملي وقت لأكتب؟ هل ستلتهمني طاحوة العمل؟ هل سأجد مخرجا من حالة توقف نهر الإبداع التي أمر بها الآن؟
هل...؟
هل...؟
هل يمكن لأي كان أن يفرح لأي سبب وفي دماغه كل هذه الأسئلة؟
11 تعليقات:
العقل والعاطفة إتنين مستحيل يجتمعوا.....ومعاك كان عقلك وتفكيرك ليهم الغلبة....ما أنكرش اني _بالرغم من اني لسه قدامي كتير علي ما أقف في المشهد الاول اللي انت كنت فيه_خايفة جدا لأحلامي تشيخ وتختفي في الزحمة ..... بس انا بقي عملت بقاعدة "ممارسة فعل الإستعباط_علي رأي عاشور برضه_"0.........مش كتير الزمن هيعمل مش واخد باله مننا ويسيبنا نسرق منه لحظات ممكن نفرح فيها......... 0
احلم انك هتقدر تكمل زى مابتتمني....ولو لاقدر الله ماقدرتش..يبقي شرف الاحلام يكفيك
"وإغنم من الحاضر ضحكاته...فليس من طبع الليالي الأمان"0
do your best to be the best
معلش سامحني انشغالي بالرد علي سؤالك في نهاية البوست نساني اقولك مبروك
عموما مبروك مرتين...مرة علي تخرجك ومرة علي الجايزة
go on.........
مبروووك يادكتور..التخرج والجايزة
شوف بقي انت داخل علي مطحنة..يعني افرح قد متقدر دلوقت لانك مش حتفضي اساسا تفرح بعد كدة
انت عايز ايه يادكتور؟حدد من دلوقتي وفكر..عايز تبقي كاتب ولا طبيب .؟
صاحب بالين كداب يا دكتور بالرغم من اني اعرف ان الجمع بين الطب والادب مش صعب بس انت محتاج تركز وترتب اولوياتك ..بس
ربنا يفرحك يا احمد
مش عارف اقولك ايه صراحة
كتيير اوى بفكر زيك كده وانا لسه فى الكلية
بس بأجل التفكير للوقت اللى اتخرج فيه
معرفش التكليف هيكون فين
ومعرفش التقديرات هيبقى شكلها ايه
معرفش حتى هيبقى فيه تعيين ولا لأ
بص يا ابو حمييد
فى لحظة زى دى
حاول تعيشها
حاول تفرح بيها
وتتبسط بجد
خلى التفكير لوقت تانى
وانت قاعد مع نفسك فى بيتكو
قبل متنام
اللحظات القليلة الطويلة اللى بتقلب فيها حياتك كلها
خليها للتفكير ده
لكن يوم زى يوم تخرجك
وزى يوم استلامك الجايزة
لازم تبقى فرحان
اعتبرها نصيحة من اخوك الصغير
وزميلك القادم
تحياتى
:)
شكرا للناس اللي قامت معانا بالواجب:
مي:
الله يبارك فيكي، ان شاء الله ربنا هيكرمني بتحقيق أحلامي، وهحاول اعمل زي ما انتي قلتي (اغتنم من الحاضر ضحكاته)
أحمد عيسى:
لا يا أحمد، نظرية أبيض ولا اسود دي اتلغت دلوقت من العالم كله، بالعكس البني آدم بيبقى مميز على قدر تعدد إمكاناته، بالنسبة لي الأولوية محسومة للطب طبعا لأنه اللي هاكل منه عيش! لكن ده ما يمنعش ان الواحد يكون جد في كل حاجة بيعملها، حتى هواية الكتابة آخدها بجد.
zordeak:
فرحان بيك... أول مرة تشرفني وأنا سعيد بده
إكتب يا أحمد
إكتب
أنا مقريتش ليك لحد دلوقتي
بس بجد أسوأ شئ ممكن تعمله في نفسك إنك تسيب الكتابة
مش عارف إنت شفت مشروع دار سوسن ولا لأ
http://darsawsan.blogspot.com/
شوفه و قولنا رأيك
ألف مبروك يا دكتور أحمد
أنا في سادسة , إدعيلي بقى اعدي على خير
:)
ألف مبروك التخرج يا دوك
....................
عقبال نوبل انشاء الله
...................
متخافش من فعل الاستعباط
فعل الاستعباط الوحيد اللى لو عملته هتفشل هو اليأس
كمل زى ما انت مرتب
.....................
على فكرة
اول صورة
اخر واحد فى الشمال
الشاب الاسمرانى ده
ابقى سلملى عليه لو شفته
بس انا مش فاكر اسمه
قوله عاشور اللى كان بيشتغلك و هو هيعرفنى
مبروك على التخرج و على المركز التالت و على الصورة اللى اخوك صورهالك
بالرغم من التساؤلات دى كلها لكن انا شايفة انك لازم تعيش اللحظة و تفرح بالنجاح اللى حققته
حتى لو لا قدر الله اتحدفت فى بلدة ريفية الطبيعة هناك و الاحداث هتكون مادة خصبة للكتابة و متنساش ان معظم الكتاب دكاترة
فيه طريقة واحدة بس يقدر الإنسان يعيش بيها من غير ما ظلام بكرة يقف قدام عينيه.. إنه يعيش اللحظة ويستغلها بكل ما فيها.. أعتقد إنك تقدر تعمل كده.. وأعتقد إنك بتعمل كده فعلا بس أحيانا الناس بتحب تعكنن على نفسها.. وده من علامات الإكتئاب والعياذ بالله.. مشكلتك مش الكلام اللي انت قولته مشكلتك أكبر من كده بكتير قد تكون مجموعة من المشاكل وانت لازم تواجه كل واحدة على حده عشان تعرف ترجع تاني أحمد بتاع زمان
مرارة روح
مبرووووووك التخرج
أنت كدة بدأت أول خطوة فى مشوار التوهان والاسئلة
أنا أول ما أتخرجت كنت تاية ولايص ومش عارف اروح فين واعمل اية
أعمل اللى عليك وهتلاقى نتيجة تعبك أكيد
فين الجاتوة
انا مش قدره أقول كلام زياده على اللى انا قريته دلوقتي واللى حاولت اقولهولك من زمان بس الظاهر اني انت بتحاول دايما تخنق نفسك وبجد انا خايفه عليك من الإكتئاب
ضي القمر
Post a Comment